INFORMOJ KONGRESEJO PROGRAMO SKIPO ALIĜINTOJ KONTAKTO LIGOJ 한국어

46a Internacia Infana-adoleskanta Kongreseto   temo «Kolora mondo»  
22a de julio ĝis 29a de julio 2017   en urbo Seulo, Koreujo  

                
Seulo havas du pejzaĝojn, modernan kaj tradician. Dum via vizito, vi gustumos ambaŭ etosojn. UK okazos en la kampuso de Hangook Universitato de Fremdaj Studadoj.
Jen mapo. Jen kiel alveni (angle).
IIK okazos rande de Seulo, en nacia parko, en junulgastejo, ĉ. 10 km de la UK-ejo. Jen mapo. Jen itinero UK-IIK
 
Nia IIK-ejo Bongdo estas Junulara Gastejo de Ŭonbulismo, ĝi situas ĉe la monto Dobong. La konstruaĵo kaj sufiĉe vasta ĝardeno bone akordas. En la gastejo, IIK-anoj povas sekure ludi ĉe naturo. La grandan salonon kun klimatizilo ni uzos por Interkona Vespero, por sperti teo-ceremonion, por teatri ktp.
 
Ni uzos 2 grandajn dormĉambrojn kaj 5 malpli grandajn, por sume 55 personoj. En ĉiuj ĉambroj jam pretas individuaj matracoj kaj puraj litkovriloj. Necesejo kaj duŝejo estas komune uzotaj jen por viroj, jen por virinoj. La ejoj estas puraj kaj modernaj, kun pura akvo varma kaj malvarma. Granda kaj apude eta manĝejo povas enteni 55 personojn. Ni manĝos 3-foje tage. Nacia korea manĝo estas rizo kaj kimĉio kun forta gusto.
 
La IIK-ejo havas tre belan promen- vojon kaj aranĝitan korton kun du hundoj kaj kelkaj katoj. Ĉiumatene la infanoj povus promeni en freŝa aero. Tage infanoj ludos ĉe la arbareto ene de IIK-ejo. Sporto, Olimpika ludo, mini-futbalo, matena gimnastiko okazos en tiu natura sportejo. Plej multe da infanoj pli ĝuos la eksteran naturejon ol internan salonon. Tie eble okazos E°-kursoj en grupoj laŭ aĝo kaj lingva nivelo.