47a Internacia Infana-adoleskanta Kongreseto  
28a de julio ĝis 4a de aŭgusto 2018   en urbo Almada, Portugalujo  
temo «delfenoj kaj dinosaŭroj»  

Nia IIK-ejo: En la okangula konstruaĵo troviĝas la komunaj ejoj, en la dekstra alo dormĉambroj. La antaŭa deklivo descendas 300 m ĝis la rivero. Malantaŭe videblas pilkoludejo.		La IIK-ejo situas je distanco de 10 km de la UK-ejo. Aŭto bezonas 10 minutojn laŭ tiu itinero trans la granda kaj por ni sola ponto super la rivero Teĵo. Rekta buso n-ro 176 bezonas 30 minutojn.		La junulargastejo situas sur monteto en la urbo Almada. Antaŭ jarmilo la vilaĝon regis la maŭroj. Antaŭ jarcento ĝi grandiĝis kaj hodiaŭ estas grava portugala urbo.
Interne estas vasta kaj luma spaco, bele ekipita, nur por nia grupo.		Nia manĝejo, kun vido al la rivero kaj ponto. Fone la servotablo.		Eblas manĝi aŭ ludi sur teraso kun suno, ombro kaj iom da vento.
El la junulgastejo, oni vidas la imponan ponton '25a de Aprilo' kaj la urbon Lisbono trans la rivero Teĵo, (en Esperanto Taĥo aŭ Taĵo). NB: Inter la maten- kaj vespermanĝo, IIK sola okupas la junulgastejon.				Nokte la ponto kaj Lisbono estas bele ornamitaj per lumoj. NB: Dum la nokto, en la aliaj litĉambroj dormos UK-anoj, precipe junuloj.
Ni dormos kvarope en ĉambroj kun 2 litoj duetaĝaj.		Ĉiu havos sian propran ŝrankon ŝloseblan.		Necesejoj kaj duŝejoj troviĝas en koridoro.
Unu el tri kunsidejoj, taŭgaj por internaj aktivaĵoj.		Supre situas ludejo kun bilardtablo kaj tablofutbalo, uzeblaj per monero.		Pilkoludojn ni faros ekstere, post kiam laciĝis la suno.
Okcidente de Almada troviĝas fama turisma zono Costa da Caparica kun 10 km da plaĝoj, taŭga ankaŭ por UK-anoj.		Pli sude, en la urbo Sesimbra, viziteblas groto, iama kaŝejo de piratoj.		La piratojn antaŭ longe manĝis grandaj ŝarkoj. Ĉu ŝarkojn ni vidos en akvario?