reiru al startpaĝo > fotoj de IIK 2006 > Merkrede, dua parto

Jen la 'Pirata Ŝipo', sub kiu enakve troviĝas ankoraŭ restoj de la pirata trezoro. Tiun pluraj infanoj provas trovi. Kelkajn monerojn ili vere kaptis. (Ne:21-22)
   

Johann uzas la eblecon iom naĝi kaj refreŝiĝi, ĉar post moner-serĉado jam tute malsekas liaj vestoj. La suno sekigos ilin rapide. (Ne:23-24)
   

Iu (ĉu Antonio?) pagas por ĉiuj IIK-anoj rondiron en karuselo kun veturiloj por etaj infanoj. Vidu filmeton pri tio: AVI (3,3Mb). Sed kelkaj el niaj 'infanoj' estas jam tiel grandaj, ke post veturado ili ne plu sukcesas eltiri siajn koksojn el la ĉaroj. (Ne:32-34)
     

Poste ĉiuj rajtis ankaŭ ronde rajdi en alia karuselo kun ĉevaloj, eĉ dufoje. Vidu filmeton AVI (2,2Mb) pri tiuj ĉevaloj. (Ne:35-36)
   

Antaŭ foriro, atendante la lastajn, ĉiuj formas cirklon, dancas kaj kantas 'La Bambo'n, furora en IJKoj. (Ne:41-42)
   

Dume Berto serĉas en sia listo, kiu ankoraŭ mankas. Nu, eble mankas ĝuste tiuj 5 malantaŭ li. (Ne:43-44)
   

Jen Pinokjo, simbolo de IIK 2006. Montara vilaĝo videblas de la parko. (Ne:47-49)
     

Longa ekskurso, lacaj infanoj. Leina kaj Tena endormiĝis, sidante sur 2 busseĝoj, kuŝante unu sur alia. Post busalveno, ĉiuj adiaŭas Aurélien, kiu jam forveturos kun siaj gepatroj. (Ne:51-52)
   

Post vespermanĝo okazas Internacia Vespero. La sekvaj infanoj prezentas sin: Anikó flutas. Marta kaj Tali kantas. (Nf:1-3)
     

Egle dancas. Klára kantas. Stéphane gitaras. (Nf:4-6)
     

Joan gitaras. Ran pianas. Kune Igor, Egle, Leina, Tena kaj Ernesto fiŝkantas. (Nf:7-9)
     

Melinde pianas kaj ĵonglas. Johann violonas. Kune Joan, Stéphane, Anna kaj Mélie kantas. (Nf:10-12)
     

Kiara, Igor kaj Vít kantas. (Nf:13-15)
     

Yoshie kantas. Kune Melinde, Bojan kaj Aurore kantas "Zo Zo Zamenhof". Teodora skeĉas. (Nf:16-18)
     

Iris ĵudas. Carina skeĉas. Kune Lelia, Gretel kaj Michaela trukas per bastonoj. (Nf:19-21)
     

Melinde akrobatas. Bojan ŝatas aŭskulti muzikon. (Nf:22-23)
   

iru al antaŭasekva paĝo